grupo di baile

Tur anja Special Olympics Aruba ta tene un actividad pa lanta e conciensia na Aruba pa cu e atleta nan special. E actividad aki ta tuma lugar rond di mundo y ta obligatorio, pa tur e programa nan di Special Olympics cu tin un acreditacion di Special Olympics International.

E ultimo anja nan Special Olympics Aruba a tene diferente demonstracion di deporte den shopping malls, competencia deportivo, etc. Eynan nos ta topa solamente un grupo chikito di hende. E meta di e anja aki ta pa jega na un grupo hopi mas grandi.

E atleta nan special ta persona nan cu durante henter anja ta train y competi den nan deporte preferi. Cada 4 anja nan ta participa na e weganan mundial.

E anja aki Special Olympics a worde aserca pa Sra. Carol Pesqueira, un bailarina, cu e kier bin cu un presentacion grandi di baile y canto di e atletanan special.

E Fundacion Special Olympics a partner cu Sra. Pesqueira pa den cuadro di nos awarenessweek, trece un presentacion grandi, etalando e talento nan di nos persona nan special den baile y canto.

Via e presentacion nan, cu lo tuma lugar dia 11 y 12 di mei, nos por hanja mas cu 1000 hende den 2 dia, ta goza di un presentacion cu no conoce su precedente y lo ta unico pa Aruba.

Ya pa un luna y mey 60 atleta, combina cu cliente nan di SVGA, ta train 3 biaha pa siman e diferente baile nan cu lo presenta.

E training ta bau guia di e maestra Carol Pesqueira, asisti pa Sra. Jeanette Netty Williams, directora di evento y volontario den e directiva di Fundacion Special Olympics Aruba.

Diferente baile criollo y international lo worde presenta pa e grupo “Nos Por” y e grupo D’Art, di Corsow. Tambe lo tin presentcion di canto di nos artista conoci Sr. Marc Gonzales, y un otro hoben special masha talentoso Sr. Maykxion Maduro.

E grupo di baile D’Art di Corsow, bau guia di Sr. Raychel Sambo, ta consisti di 20 persona. Banda di baila, e bailarina nan di Corsow, lo yuda como volontario.

E decor lo ta obra di Sra. Lisette Tromp di Birthday and More.

Un jingle lo worde entrega na tur medio di comunicacion na Aruba E fingle a worde traha pa Sra. Edseline Figaroa, Sr. Michael(Mitchel) Almary y Sr. Francis Tromp.

Un promo cu a worde traha pa Sr. Richard Jacobs lo worde entrega na boso awe.

Caarchie pa e anochie ta costa 25 florin. Lo tin un presentacion dia 11 di mei (diasabra pa 8 or di anochie. Dia 12 di mei lo tin un presentacion pa 4 or di atardi. Como cu e dia 12 di mei ta dia di mama, nos ta invita tur mama bin waak e presentacion. Lo tin sorpresa pa Mama.

Un invitacion ta bay na e pueblo en general pa bin na e presentacion di nos talento nan special, cu ta algo nunca bisto na Aruba. Caarchie nan na balor di 25 florin, ta obtenibel srca tur miembro di Directiva di Special Olympics. Tambe na van Dorp na Dakota y na Aruba Post na San Nicolas. Pa informacion, of pa ordu caarchie jama 7300414 / 7423306, of mail: arturowerleman@gmail.com.

 

Leave a Reply